ალიანსი მიზნად ისახავს პეიზაჟების მოყვარული ფოტოგრაფების ერთ წრეში გაერთიანებას. ალიანსი პრიორიტეტს ანიჭებს ბუნების მისი პირვანდელი სახით წარმოჩენას. ალიანსის აზრით პეიზაჟის ამსახველი ნამდვილი ფოტოსთვის არსებული სიტუაციის განუმეორებლობის გარდა ფოტოში გადმოცემული უნდა იყოს ემოცია, რომელიც გადაღების დროს დაეუფლა ფოტოგრაფს. პეიზაჟი უნდა წარმოადგენდეს ბუნებრივი ელემენტების კომპოზიციას, რაც გამორიცხავს არარეალური და სურეალისტური სიუჟეტის შექმნას და წარმოაჩენს ბუნებას ისეთს, როგორიც ის არის პირველშობილ მდგომარეობაში.


ალიანსში გასაწევრიანებლად მომხმარებელმა:
1. ალიანსის დამფუძნებელს პირადი შეტყობინებით (PM) უნდა მიწეროს ალიანსში გაწევრიანების მოთხოვნა და დაასაბუთოს გაწევრიანების სურვილი მოკლე აღწერით;
2. გალერეის კატეგორიებში: პეიზაჟი, ბუნება, ან პანორამა ჰქონდეს ატვირთული არანაკლებ 5 ფოტოსურათისა, საიდანაც 2 ფოტოსურათი მაინც უნდა იყოს აღნიშნული, როგორც ხალხის არჩევანი (სასურველია). ყურადღება მიექცევა ჩამოთვლილ ჟანრებში ატვირთული ფოტოების კომპოზიციურ და ტექნიკურ სრულყოფას. აგრეთვე, ფოტოსურათები არ უნდა შეიცავდნენ ხელოვნურ და "ჩასმულ" ობიექტებს (მონტაჟს).